Overblog Segui questo blog
Edit page Administration Create my blog



Guvernu ‘taliànu

 

Guvernu ‘talianu è veru buttanu…

cci zzuca lu sangu a lu pover’omu.

Li tassi chi menti su’ cosi trementi,

chi fannu tremari li spaddhi e li denti.

C’è tassa pe’ tuttu: mangiari e mbivìri,

vegliari e dormiri, campari e morìri…

C’è sulu ddu’ cosi, a chistu mumentu,

chi non su’ soggetti a lu tassamentu!..

 

Guvernu ‘talianu ti ringraziu

chi per pisciari non si paga daziu!…

E chi per farsi ‘na ca-ca-cantata

Non c’è bisognu di carta bullata!…

 

Cu’ l’occhi chini e la panza vacanti,

‘na manu d’arretu e l’autra davanti…

Ch’i pedi scàusi e li càuzi strazzati

jàmu girandu pe’ ‘sti strati strati…

Simu arridutti comu l’armi santi…

nudi a lu ‘nfernu ‘nta lu focu ardenti…

E c’è di luntanu cu’ ‘ndi fa la cucca…

e tutti li cosi si cogghi e si ‘mbucca

 

Condividi pagina

Repost 0